3 இடியட்ஸ் தமிழ் ரீமேக் படத்தில் இருந்து விஜய்தான் முதலில் விலகினார் என்றார்கள். ஆனால் விஜய் விலகவில்லை
படத்திலிருந்து அவரை விலக்கிவிட்டார்கள். விலக்கச் சொன்னவர் தமிழக் முதல்வர் என்ற அதிரடியான தகவலை கோடம்பாக்கம் இப்போது மெதுவாகப் பேசத் தொடங்கியள்ளது. திமுக அனுதாபியான விஜய்யின் அப்பா எஸ்.ஏ.சி , அதிமுகச் செயலர் ஜெயலிலதாவை உடனடியாக சந்தித்தத்ன் பின்னனியில் விஜய் நீக்கப்பட்டது முக்கியமான காரணம் என நம்பகமான தகவல் கிடைக்கிறது.
இந்த சந்திப்பின் போது எஸ்.ஏ.சி என்ன கூறினார் என்பதுதான் கோடம்பாக்கத்தில் ஹாட் டாபிக். பலரும் பல விதமாக தகவல்கள் பரப்பினாலும்இ எஸ்.ஏ.சி கூறியது ரொம்பவே பரிதாபத்திற்குரியது என்கிறார்கள். “எங்களை தொடர்ந்து அவமானப்படுத்துகிற முயற்சியில் இறங்கிவிட்டன சில சக்திகள்.
த்ரி இடியட்ஸ் படத்தில் நடிப்பதற்காக என் மகன் ஹேர் ஸ்டைலை மாற்றிக் கொண்டு ஷூட்டிங் கிளம்ப தயாராக இருந்தார். அந்த கடைசி நேரத்தில்தான் படத்திலிருந்து விஜய் நீக்கப்பட்டிருப்பதாக தெரிவித்தார்கள். வெளியூருக்கு நலத்திட்ட உதவிகளுக்காக செல்லும் விஜய்க்கு போலீஸ் பாதுகாப்பு கூட கொடுக்க மறுக்கிறார்கள்” என்று சொன்னாராம்.
மேலும் விஜய் ஒரு அரசியல் சக்தியாக உருவாவதை முதல்வர் விரும்பவில்லை என்பதையும் சொல்லிவிட்டு அப்படியே விரைவில் அரசியல் கட்சி தொடங்க இருப்பதையும் சொல்லி விட்டு வந்திருக்கிறார் என்கிறார்கள்.
